Тасмағамбетов, Берік Уәли мен Жақсылық Омарға айыппұл салына ма? Бекшин орынбасарының жауабы

Елнұр Бақытқызы

  • 10.10.2021

Алматыдағы Svetlana modern cuisine банкет залында өткен Досхан Жолжақсыновтың жетпіс жылдық мерейтойында карантин шаралары бұзылғаны жайлы мониторинг топтарынан материал келіп түссе, санитарлық-эпидемиологиялық бақылау департаменті тиісті шаралар қолданады. Бұл туралы Malim.kz-ке Алматы қаласының санитарлық-эпидемиологиялық бақылау департаменті жетекшісінің орынбасары Сәдуақас Байғабылов мәлімдеді.

Досхан Жолжақсыновтың 70 жылдық мерейтойында карантин шараларының бұзылған-бұзылмағанын әуелі Алматы қаласының санитарлық-эпидемиологиялық бақылау департаментінің жетекшісі Жандарбек Бекшиннің өзінен сұрап көрмек болдық. Жандарбек Мұхтарұлына телефон соғып, журналист екенімізді айта бергеніміз сол еді, ол тұтқаны бірден қоя салды да, кейін телефонын мүлде көтермей қойды.

Досхан Жолжақсыновтың Svetlana modern cuisine банкет залында өткен мерейтойында карантин талаптары бұзылды ма деген сұрақты Бекшиннің орынбасары Сәдуақас Байғабыловқа қойып көрдік.  Сәдуақас Байғабылов Malim.kz-ке Алматы қаласында еске алу, мерейтой, мерекелік отбасылық шаралар 27 қыркүйектен бастап рұқсат етілгенін, алайда оған Ashyq қосымшасында жасыл статусы бар елу адам қатыса алатынын түсіндірді.

"Бұл бойынша (тойда шектеу шараларының бұзылғаны жайлы - ред.) материалдар бізге түскен жоқ. Өйткені бүгін демалыс.  Егер аудандық мониторинг топтарынан орын санына байланысты шектеулер бұзылғаны жайлы материалар келіп түсетін болса, онда ұйымдастырушылар мен келушілерді әкімшілік жауапкершілікке тарту қарастырылады", - деді Байғабылов.

Той Алмалы ауданындағы банкет залында өткендіктен, Malim.kz тілшісі Алматы қаласы Алмалы ауданы әкімінің орынбасары Ерден Хайруллинге хабарласып, тойда шектеу шараларының бұзылған-бұзылмағанын тексеріле ме деп сұрап көрді. Ерден Хайруллин әзірге бұл тойға мониторинг топтарының барған-бармағанын әзірге білмейтінін айтты. "Көреміз. Мониторинг топтары түні бойы жүргендіктен, әзірге ұйықтап жатыр. Шыққан соң (мониторинг топтары жұмысқа шыққан соң - ред.) сізге хабарласамын", - деді Ерден Хайруллин.

Malim.kz бұл мәселені назарда ұстап, мониторинг топтарынан қандай да бір ақпарат ала алған жағдайда ақпаратты жаңартатын болады.

Кеше Қазақстанның Халық әртісі, актер, кинорежиссер Досхан Жолжақсыновтың 70 жылдық тойындағы видеолар әлеуметтік жеіде таралған. Бұл видеоларды алдымен оның әйелі тележүргізуші, ҚР Еңбек сіңірген қайраткері Қарагөз Сүлейменова Instagram-парақшасындагы сторизге салған болатын.

Видеоға қарағанда, тойға президент Тоқаевтың баспасөз хатшысы Берік Уәли, Өскемен қаласының әкімі Жақсылық Омар, зейнетке шыққан Қазақстанның Ресейдегі бұрынғы елшісі Иманғали Тасмағамбетов, Алматы қаласы урбанистика басқармасының басшысы Алмасхан Ахмеджановтар қатысқан. Сондай-ақ видеолардан тойға әншілер Мақпал Жүнісова, Саят Медеуов, Алтынай Жорабаева, Қайрат Нұртас, fashion блогер Нұраш Жармұхамбетова, "Жігіттер" квартеті мен олардың продюсері Ерғали Әбдірайымов, тағы басқа әншілер мен актерлер барғаны көрінеді.

Видеоларда той қонақтары әлеуметтік ара қашықтықты сақтамай билеп жүргені көрінеді. Әлеуметтік желідегі кей қолданушылар тойға елуден көп адам жиналуы мүмкін екенін алға тартып, мемлекеттік қызмет істері агенттігінен мерекелік шараға қатысқан шенеуніктердің мемлекеттік қызмет этикасын бұзған-бұзбағанын анықтауды сұрады.

Жаңарту: Алмалы ауданы әкімінің орынбасары Ерден Хайруллин кешке Orda.kz басылымына мониторинг топтарына тиісті тапсырма берілгенін мәлімдеді. 

"Біз "Ашық-машық" арқылы жасылмен кіргенді тексереміз. "Ашық" бойынша барлық құжат пен бәрінің қалай өткені туралы құжаттарды сұраттық. Қазір жауап күтіп отырмыз. Видеоны (қанша адам қатысқанын) әзірге көрмедік. Әлеуметтік желіде жарияланған үзінділерді ғана көрдік. Онда елуден төмен, елу шақты адам. Ал бізге жалпы видеоны қарау керек. Бұл мәселе бақылауда", - деді Хайруллин orda.kz басылымына.

 

 

 

Байланысты жаналықтар

Депутат қызғалдақ жұлғаны үшін салынатын айыппұлды алып тастауды ұсынды

29.06.2022

500 ғалым "Болашақ" бойынша ғылыми тағылымдамадан өте алады

22.04.2021

«Бірлік» партиясының кезектен тыс бесінші съезі өтті

30.09.2020

Бекшин бар кінәні бұрынғы басшыға аударып отыр ма?

22.04.2020

Түркістан облысында жаңа аудан құрылды

15.03.2021

Цой сенбейді, Аймағамбетов сенеді. Кім патриот?

01.10.2020
MalimBlocks
Депутат қызғалдақ жұлғаны үшін салынатын айыппұлды алып тастауды ұсынды

500 ғалым "Болашақ" бойынша ғылыми тағылымдамадан өте алады

«Бірлік» партиясының кезектен тыс бесінші съезі өтті

Бекшин бар кінәні бұрынғы басшыға аударып отыр ма?

Түркістан облысында жаңа аудан құрылды

Цой сенбейді, Аймағамбетов сенеді. Кім патриот?