Тәуелсіздіктің 30 жылдығында сотталғандарға рақымшылық жасалады

  • 11.10.2021

Биыл Қазақстан Республикасының Тәуелсіздігіне 30 жыл. Сол 30 жылдық еркіндік қарсаңында сотталған бірқатар азаматтарға рақымшылық жасалады, яғни, еркіндік беріледі. Бұл, былай қарағанда, еркіндіктің 30 жылдық мерекесінде түрлі себептермен жазасын өтеушілерге еркіндік беру – символикалық көрініс. Әрине, бұған дейін де рақымшылық жасалып келген, бірақ, биылғы рақымшылықтың жөні бөлек.

Қазақстан Республикасы Ішкі істер министрлігі Қылмыстық атқару жүйесі комитетінің Алматы қаласы бойынша ҚАЖ Департаментіне қарасты ЛА-155/13 мекемесі Қазақстан Республикасы Заңдары талаптарына сәйкес рақымшылық жасау туралы атқарылып жатқан жұмыстары туралы ақпарат берді. Мекеме басшысы әділет подполковнигі Ердос Жәкенов 30 жылдықтың құрметіне кімдерге рақымшылық жасалатынын айтты.

«Қазіргі таңда мекеменің арнайы есепке алу тобының инспекторлары Қазақстан Республикасы Тәуелсіздігінің 30 жылдығына байланысты рақымшылық жасау туралы жұмыс жүргізуде. Заң жобасына сәйкес, бірінші және екінші топтағы мүгедек балалары бар әйелдерге, кәмелеттік жасқа толмағандарға, зейнеткерлерге, ұлы отан соғысына қатысушылар мен мүгедектеріне теңестірілгендерге және 1, 2, 3 топтағы мүгедектерге рақымшылық жасалады. Бұл рақымшылық шарасы заң бұзушыларға қатысты ізгілік актісі, мемлекет тарапынан мейірімділік пен сенім білдірудің көрінісі саналады. Белгілі болғандай, лаңкестік және басқа да ауыр қылмыс жасағандар рақымшылыққа ілінбейді. Негізінен, рақымшылық жасау – аса ауыр емес қылмыс жасағандарға, жасөспірімдерге, жүкті әйелдерге және қоғамдық қауіптілігі жоқ қылмыстарға көзделіп отыр», - дейді ол.

Қазіргі уақытта заң жобасы бойынша рақымшылық жасауды қолдану шарттары Қазақстан Республикасы Ішкі істер министрлігі Қылмыстық атқару жүйесі комитетінің Алматы қаласы бойынша ҚАЖ Департаментіне қарасты ЛА-155/13 мекемесіндегі арнайы есепке алу тобының инспекторлары тарапынан сотталғандардың Қазақстан Республикасы Қылмыстық кодексінің қай баптарымен сотталғандығы бойынша тізімі жасалып, сотталғандардың жеке істерімен танысу жұмыстары атқарылып жатыр.

Айта кету керек, атлмыш мекеме сотталғандар тарапынан құқық бұзушылықтарды және оның алды алу, заңға қайшы әрекеттерді болдырмау мақсатында тәртіпті күшейтуге бағытталған жұмыстармен айналысады.

Байланысты жаналықтар

Алматы облысында жол апатынан 3 адам қайтыс болды  

24.03.2024

5 жасқа дейінгі балалар арасында көкжөтел жиіледі

23.03.2024

Қазақстанда қызылша бойынша эпидемиологиялық жағдай тұрақталып келеді

23.03.2024

Уэльс ханшайымы Кейт қатерлі ісікке шалдықты

23.03.2024

Мәскеуде алдағы демалыс күндері театр мен музей жабылады

23.03.2024

Ресейдің Красногорск қаласындағы концерт залында атыс болды

23.03.2024
MalimBlocks
Алматы облысында жол апатынан 3 адам қайтыс болды  

5 жасқа дейінгі балалар арасында көкжөтел жиіледі

Қазақстанда қызылша бойынша эпидемиологиялық жағдай тұрақталып келеді

Уэльс ханшайымы Кейт қатерлі ісікке шалдықты

Мәскеуде алдағы демалыс күндері театр мен музей жабылады

Ресейдің Красногорск қаласындағы концерт залында атыс болды