Түркістан: Ордабасы ауданында коронавирус жұқтырған соңғы емделуші жазылып шықты
Ордабасы аудандық орталық ауруханасының коронавирус инфекциясын жұқтырған науқастарға арналған инфекциялық бөлімі қазір бос тұр. Мұнда емделген соңғы емделуші ауруынан толық сауығып шыққан. ҚР Парламент Мәжілісінің депутаты Нұржан Әлтаев бастаған республикалық «Қоғамдық бақылау» өкілдері аудандық ауруханада болып, жағымды жаңалыққа куә болды. Түркістан облысындағы көптеген дәріханалар мен ауруханалардағы ахуалмен және медицина қызметкерлерінің еңбек жағдайларымен танысып, ұсыныстарын тыңдады.
Жалпы, Ордабасы аудандық орталық ауруханасы 120 мың халыққа қызмет көрсетеді. Ауданда коронавирус инфекциясын жұқтырған 158 науқас тіркелген. Оның ішінде 2 азамат қайтыс болды. Емделушілер толық жазылып шыққан. Пневмония ауруы да азайып, провизорлық госпитальдың төсек-орын саны 40 орынға қысқарған. Қазір аталған індетпен 21 науқас ем қабылдауда.
Солардың бірі 80-ге таяған Мырзабай Оңлабек. Ауруханаға дем жетпей, ауыр халде түскен ақсақал жағдайының жақсарғанын айтады. Дәрігерлерге айтар алғысы шексіз.
Аудандық аурухана 9 өкпені жасанды желдету аппараты және 70-тен астам төсек-орын оттегімен қамту жабдықтарымен қамтамасыз етілген. Жеке оттегі жеткізу орталығы орнатылған. Дәрі-дәрмек қоры жеткілікті. Бір ай бұрын құрылған 17 мобильді топ 1 мыңға жуық науқасқа үйлеріне барып, ем көрсеткен. «Қоғамдық бақылау» өкілдері аурухананың инфекциялық және провизорлық бөлімдерін аралап, жедел-жәрдем көлігінің және зертхана жағдайларымен танысып шықты.
Республикалық «Қоғамдық бақылау» өкілдері бұдан соң Түркістан қалалық орталық ауруханасын аралады. Осыған дейін Орал, Талдықорған, Алматы облысы мен Шымкент қалаларында болған. Басты мақсат — медициналық ұйымдардың ахуалы мен дәріханалардағы баға тұрақтылығын қадағалау және медицина қызметкерлерінің ұсыныс-пікірлерін тыңдап, қолдау көрсету.
Түркістан облысы әкімінің баспасөз қызметі
Қазақстандағы жаңа ұлт: орыстілді қазақ пен қазақтың арасы алшақтап бара ма?
Аналитика
|
26.06.2025 13:28
2025-06-26 13:28:00
Ең көп оқылған
Тегін тамақ пен жатақхана беруге өтініш қабылдау басталды
Политика
|
27.06.2025 08:57
2025-06-27 08:57:00
2026 жылы Жоғары Еуразиялық экономикалық кеңеске Қазақстан төрағалық етеді
Политика
|
27.06.2025 20:42
2025-06-27 20:42:00
Ресей Одесса қаласын дронмен атқылады: ерлі-зайыпты қаза тапты
Политика
|
28.06.2025 13:57
2025-06-28 13:57:00
Қазақстандық оқушы әлемнің 47 университетінен стипендия ұтып алды
Политика
|
27.06.2025 19:19
2025-06-27 19:19:00
Журналист Думан Мұхаммедкәрім рақымшылыққа іліне ме?
Политика
|
27.06.2025 17:30
2025-06-27 17:30:00
Тоқаев әлемдік нейрохирургия саласының өкілдерімен кездесті
Политика
|
28.06.2025 15:04
2025-06-28 15:04:00
АҚШ Иранның ядролық нысанына соққы жасаудан бас тартты
Политика
|
28.06.2025 19:51
2025-06-28 19:51:00
