Асу Алмабаевты жанкүйерлер әуежайдан күтіп алды
Өткен аптада жерлесіміз UFC-дегі үшінші айқасын жеңіспен аяқтаған болатын.
Қазақстандық аралас жекпе-жек шебері Асу Алмабаев (20-2) Алматыға оралды, деп хабарлайды Malim.kz.
Алмабаевты жанкүйерлері әуежайдан бар құрмет-қошеметпен күтіп алды. Алмабаевтың елге келген сәтінің видеосын Dar Pro Team өзінің Instagram-дағы парақшасында жариялады.
Лас-Вегаста өткен (Невада штаты, АҚШ) UFC on ESPN 58 турнирінде Алмабаев американдық Хосе Джонсонды (16-9) жеңді. Үш төреші де жеңісті қазақстандық спортшыға берді – 30-27. Бұл спортшымыздың карьерасында тұңғыш рет басты кардта өнер көрсетуі болатын.
Алмабаев айқастан соң дивизионда төртінші нөмірде тұрған жаңазеландиялық Кай Кара-Франсты (24-11) жекпе-жекке шақырды.
