Асу Алмабаевтың жекпе-жегін қашан және қайдан көруге болады?
Жерлесіміз UFC-де алғаш рет негізгі картта шығады
Қазақстандық аралас жекпе-жек шебері Асу Алмабаев UFC Vegas 93 турнирінде америкалық Хосе Джонсонға қарсы шығады. Оны спорт ұйымының ресми сайтынан көруге болады, деп хабарлайды Malim.kz.
Ертең Лас-Вегаста өтетін жекпе-жектер кеші Қазақстан уақыты бойынша сағат 04.00-де, ал негізгі карта сағат 07.00-де басталады. Асу Алмабаев пен Хосе Джонсон арасындағы жекпе-жек 7.30-да басталады.
Бұл 30 жастағы Алмабаевтың UFC-дегі үшінші жекпе-жегі әрі турнирдің негізгі картасына алғаш рет шығайын деп отыр. Бұған дейін ол UFC-де екі америкалық – Оди Осборн мен Сиджей Вергараны жеңген еді.
Алдағы турнирдің басты жекпе-жегінде америкалық Алекс Перес пен жапониялық Тацуро Тайра чемпион атағына таласады.
Фото: әлеуметтік желіден
