Белгілі жазушы Жанат Ахмади дүниеден озды

Malim Админ

  • 29.06.2020

Бұл хабарды Қазақстан Жазушылар одағы басқарма төрағасының орынбасары, ақын Бақыт Беделханұлы хабарлады.

«21 ғасырдың Майқы биі - деп мәртебе тұтып жүрген Жанат Ахмади ағамыз да пәниден бақиға жол салыпты. Қазыналы қария болады-ау - деп жүргенде, бұ кеткені не еткені?! Қазақ қаламгерлері мен қабырғалы қалың жұртқа қайғыра көңіл айтамын. Баладай жетелеп, данадай құрметтеп, қадір-қасиетін қаймақтай қалқытып жүрген жеңгемізге құдай қуат берсін», – деп жазды Бақыт Беделханұлы.

Жанат Ахмади 1943 жылы 15 қазанда Шығыс Түркістанның Құлжа губерниясы, қазіргі Іле Қазақ облысына қарасты Қорғас ауданында Үш Ақсу–Мазы деген жерде дүниеге келген. Құлжа қаласындағы 3 жылдық шаруамалдәрігерлік мектебі деп аталатын техникумның зоотехникалық бөлімін 1961 жылы тамамдайды.

1962 жылы атамекені – Қазақстанға келеді. ҚР Мемлекеттік Орталық Ұлттық мұрағатында кіші ғылыми қызметкер, аға ғылыми қызметкер болып қызмет істеген. 1995 жылдан бері таза шығармашылықпен айналысып еді.

2006 жылы Шығыс Түркістан, Үрімші қаласы «Жас өрендер» баспасынан араб әрпімен «Есенгелді би» тарихи романы, 2008 жылы «Кітап» баспасынан «Жарылғап би» тарихи романы, 2009 жылы «Кітап» баспасынан «Қарадан туған хан Нұрабай» тарихи романы, «Адемпринт» баспасынан «Уақыт ырғағы» атты рецензия, әдеби сын мақалалар кітабы жарық көрген.

Халықаралық «Алаш» әдеби сыйлығының лауреаты.

Байланысты жаналықтар

Бейсен Құранбектің әкесі қайтыс болды

24.09.2020

Әбілхан неге жеңілді?

01.08.2021

Белгілі актер Дархан Дайырбек қайтыс болды

08.07.2020

Ағылшын тілін тегін оқы!

27.10.2020

Данияр ұлттық құрамаға орала ма?

10.08.2021

Канело жеңіліп қалды

08.05.2022
MalimBlocks
Бейсен Құранбектің әкесі қайтыс болды

Әбілхан неге жеңілді?

Белгілі актер Дархан Дайырбек қайтыс болды

Ағылшын тілін тегін оқы!

Данияр ұлттық құрамаға орала ма?

Канело жеңіліп қалды

Сенсация! Қазақстандықтарға жақсы таныс Сауль Канело Альварес чемпиондық белбеулерінен айрылды.