Мемлекеттік күзет қызметкерлері Дубайда топ жарды

Malim Админ

  • 08.02.2024

ҚР Мемлекеттік күзет қызметінің  «САРДАР» командасы 3-7 ақпан аралығында БАӘ-нің Дубай қаласында өткен UAE SWAT Challenge 2024 халықаралық сайысында қола жүлде жеңіп алды.

Тәуелсіз Қазақстан тарихында тұңғыш рет еліміздің арнаулы бөлімшесінің командасы айтулы халықаралық сайыста жеңіске жетті. Бүкіл әлемнен жиналған 80-нен астам команданы басып озған «САРДАР» тек сайыс қожайындарына - Дубай қаласы полициясының екі командасына ғана жол берді.

UAE SWAT Challenge – күштік құрылымдардың арнаулы мақсаттағы бөлімшелері арасындағы чемпионат болып табылады. Биыл сайыс бесінші рет өткізілді, оған бүкіл әлемнен келген командалар қатысып, кедергілерден өту, шабуылмен басып алу, кепілге алынғандарды құтқару, жаралыларды эвакуациялау, қару түрлерінен ату секілді күрделі сынақтардан өтті.

Сайыстың барлық кезеңдерінде  «САРДАР» үздік тактикалық дағдылар, күш-қуат, төзімділік пен биік рухын танытты. Үшінші және төртінші күндегі нәтижелер бойынша команда сайыстың үздік үштігінен сенімді орын алды.

Чемпионаттың бесінші, шешуші кезеңінде де «САРДАР» жоғары арнаулы және тактикалық әзірлігін және мықты командалық рухын көрсетті. ҚР Мемлекеттік күзет қызметі командасының жарқын жеңісі - еліміздің арнаулы мемлекеттік органы жеке құрамының күшейтілген үздіксіз дайындығының, мемлекеттің өркендеуіне және оның қауіпсіздігін сақтауға бағытталған патриоттық тәрбиесінің жемісі.

Сайыстың соңғы «Кедергілер жолағы» кезеңінде ойнатылған ҚР Мемлекеттік күзет қызметі жеке құрамының жаңа әнұраны - «Рух» әуені де команда мүшелерін жеңіске жетелегені анық! «Сардар» командасы өзінің халықаралық сайыстағы жеңісін барлық отандастарына арнайды!

Байланысты жаналықтар

"Шымбұлақ" мерейтойлық маусымын ашады

22.12.2023

Грекия мен Қазақстан арасындағы матч қайда өтеді?

22.11.2023

Қазақстан ойыншысы Нұралы Әліпке атақты “Манчестер Юнайтед” қызығуда 

22.11.2023

Қос мықтымыз қатыспайды. Қазақстан Сан-Мариноны жеңе ала ма?

17.11.2023

Ермұхамед Мәулен: Журналистиканың өзге салаларына қарағанда спорттың бәсі жоғары

14.11.2023

«Шымбұлақ» үздіктердің үздігі атанды

16.10.2023
MalimBlocks
"Шымбұлақ" мерейтойлық маусымын ашады

"Шымбұлақ" осы сенбі - 2023 жылғы 23 желтоқсанда мерейтойлық маусым басталатынын хабарлайды. Курорттың ашылғанына 70 жыл!

Грекия мен Қазақстан арасындағы матч қайда өтеді?

Командалар Ұлттар лигасының плей-офф кезеңінің жартылай финалдық кезеңінде бәсекеге түседі

Қазақстан ойыншысы Нұралы Әліпке атақты “Манчестер Юнайтед” қызығуда 

Қазақстан құрамасының қорғаушысы Нұралы Әліп ағылшын клубының назарына іліккен. Ол енді алдағы уақытта “Манчестер Юнайтед” командасының сапында доп тебуі мүмкін.

Қос мықтымыз қатыспайды. Қазақстан Сан-Мариноны жеңе ала ма?

Нақты кімнің қай позицияда шығып, өнер көрсететіні айтылмады.

Ермұхамед Мәулен: Журналистиканың өзге салаларына қарағанда спорттың бәсі жоғары

Мұндай мамандық еліміздегі басқа оқу орындарында ашылған жоқ.

«Шымбұлақ» үздіктердің үздігі атанды

«Шымбұлақ» тау курорты - Ski business awards нұсқасы бойынша 2023 үздік тау шаңғысы курорты атанды