Париж олимпиадасында Өзбекстанның екі бірдей спортшысы чемпион атанды, деп хабарлайды Malim.kz.
Бір қызығы, екеуі де осымен екінші рет Олимпиада ойындарында топ жарып отыр.
Бокстан 51 келіде өзбекстандық Хасанбой Дусматов франциялық Билал Беннаманы жеңіп, екі дүркін олимпиада чемпионы атағына қол жеткізді.
Естеріңізде болса, ол 2016 жылғы Рио олимпиадасында алтын алып, кейін кәсіпқой боксқа кеткен еді. Дегенмен екінші рет олимпиадаға қатысу үшін әуесқой боксқа қайта оралып, мақсатына жетті.
Естеріңізде болса, Дусматов Париждегі ойындардың екінші айналымында қазақстандық Сәкен Бибосыновтан басым түскен.
Сонымен қатар 22 жастағы таеквондошы Улугбек Рашидов те екінші олимпиада қатарынан чемпион атанды. Ол 68 келі салмақтың финалында иорданиялық Заид Каремнен басым түсті.
Айта кетейік, Рашидов 19 жасында Токио-2020 олимпиадасында алтын медаль алған еді.
Осылайша, Өзбекстан құрамасы Парижде әзірге үш алтын иеленді. Бұған дейін дзюдодан Диера Келдиерова чемпион атанған еді.
Фото: yuz.uz
MalimBlocks
