Парижде өтетін 2024 жылғы Олимпиада ойындарының ашылу салтанатында Қазақстанның ту ұстаушылары анықталды, деп хабарлайды Malim.kz.
Бұл құрметке боксшы Асланбек Шымбергенов пен жеңіл атлет Ольга Сафронова ие болды.
Шымбергенов – бокстан Қазақстан ерлер құрамасының капитаны, әлем чемпионы (2023 жыл) және Азия чемпионы (2022 жыл).
Сафронова өз кезегінде Азия чемпионатында (2017) және Азия ойындарында (2014) жеңіске жетті.
Сондай-ақ резервке балуан Нұрсұлтан Тұрсынов пен семсерлесуші Әйгерім Сарыбай ұсынылған.
Фото: ҚР ҰОК
