«Психикалық аурумын». Қазақстандық спортшы мәлімдеме жасады
Бұған дейін Мария Агапова өзін құлдыққа сатып жібермек болғанын айтқан еді.
АҚШ-та қиын жағдайға тап болған қазақстандық файтер Мария Агапова өзіне қатысты тың деректі жария етті. Ол психикалық ауытқуы барын мойындады, деп хабарлайды Malim.kz.
Мария Агапова АҚШ-та үй-күйсіз, далада қалып, қаңғыбастар секілді тұратын жер іздеуге мәжбүр екенін жазған болатын. Спортшы шотына 200 доллар жиналғанын айтып, Sport+ тілшісіне сұхбат берген.
Танымал спортшының айтуынша, жиналған қаржы АҚШ-та тек бір апта өмір сүруге жетеді. Оған қоса, Мария өзінің психикалық ауруы бар екенін және емделуге де қаражат керек екенін айтты.
Баспанадан бөлек, маған тамаққа және дәрі-дәрмекке ақша керек. Себебі, мен психикалық ауытқуы бар адаммын. Дәрі-дәрмексіз ұйықтай алмаймын. Менің есепшотыма адамдар 200 доллар қаражат жіберді. Бұл ақша маған аптаның аяғына дейін ғана жетеді. Содан кейін Техасқа кетемін. Сол жақтан аздап ақша табуым керек, - деді ол.
Айта кетейік, Мария Агапова 30 мамырда джиу-джитсу ережесімен өтетін турнирде америкалық спортшы Хелена Кревармен кездесу өткізеді. Файтер демеуші тапқан адамға, жекпе-жектен түскен табысының 10 пайызын табыстауға уәде беріп отыр.
Фото: cdn.vox-cdn.com
Байланысты жаналықтар
MalimBlocks
