Қазақстандық балуан Қайратхан Шоңқу Бразилияда өтіп жатқан XXIV Сурдлимпиада ойындарында топ жарып, алтын жүлдені қанжығасына байлады.
Қайратхан Шоңқу грек-рим күресінің финалында түрік балуаны Мехмет Юсалды жеңіп, 130 келі салмақ дәрежесінде чемпион атанды. Асылжан Тәжиев (97 келі) ирандық спортшыдан жеңіліп, күміс медаль алды. Ал Нұржан Асан (77 келі) мен Алдияр Балташев (60 келі) қола жүлдені қанағат тұтып, жарыс жолынан шығып қалды.
Айта кетейік, халықаралық Сурдлимпиада ойындары 16 мамырға дейін жалғасады.
