Қорғаныс министрлігінің «Оңтүстік» өңірлік қолбасшылығы салық төлеушілердің есебінен сыйлыққа Apple Watch смарт-сағатын сатып алмақ.
Бұл ақпарат мемлекеттік сатып-алу сайтында жарияланды.
Төмендегі суреттен көріп тұрғаныңыздай, тапсырыс беруші – «Оңтүстік» өңірлік қолбасшылығы әскерлері қолбасшысының басқармасы. Сағатты 151 мың теңгеге сатып алу көзделген, бірақ оны кімге сыйлайтыны әлі белгісіз.
Біз бұл мекеменің тағы не сатып алғанын тексеріп көрдік. Сөйтсек, бюджет ақшасына кофемашина, теледидар, планшет алыпты.
Аделаида Ауепекова
