Теннистен Қазақстан әйелдер құрамасының көшбасшысы Елена Рыбакина Аустралияның Мельбурн қаласында өтіп жатқан Australian Open-2025 турнирінің 1/8 финалында жеңіліс тапты, деп хабарлайды Malim.kz.
Ұлттық олимпиадалық комитеттің мәліметінше, бұл кезеңде қазақстандық теннисші АҚШ спортшысы Мэдисон Кизбен кездесті. Ойын үш сетке созылды. Нәтижесінде Киз 6:3, 1:6, 6:3 есебімен жеңіске жетті.
Осылайша, жекелей сында Қазақстан құрамасының барлық спортшылары турнирді аяқтады.
Фото: ҰОК
