«Сынақ бізді сындырмайды». Жәнібек Әлімханұлы ауруханадан шықты

Қазақстандық кәсіпқой боксшы Жәнібек Әлімханұлы ауруханадан шықты, деп хабарлайды Malim.kz.

Осының алдында ол жекпе-жек алдында салмақ қуып жүріп есінен танып қалған болатын.

Әр қиындық артында жеңілдік бар! Салмақ қуу барысындағы сынақты да бастан өткізіп жатырмыз, ағайын! Уайымдап жатқан жанашыр жанның бәріне көп рақмет! Аллаға шүкір, ауруханадан шықтық. Денсаулық бірінші орында! Ауырмаңыздар, жақындарыңыз ауырмасын! Біз жауынгерміз ғой, мұндай сынақтар бізді сындырмайды, шыңдайды! Бұйыртса әлі талай әлемге қазақ стилін көрсетеміз! Қолдауларыңызға рақмет!, деп жазды боксшы әлеуметтік желідегі парақшасында.

Ол жоспар боынша ертең Жаңа Зеландия боксшысы Андрей Михайловичпен жекпе-жекке шығуы керек еді. Бірақ кездесу Жәнібектің денсаулық жағдайына байланысты өтпейтін болды.

Фото: әлеуметтік желіден