Токио олимпиадасында жартылай финалға шыққан қазақстандық балуан Нұрислам САНАЕВТЫҢ әр белдесуін Тыва елі де қарап отыр. «Тувинская правда» интернет басылымы «Борец Артас САНАА удачно стартовал на Олимпиаде в Токио» деп оқырмандарына сүйінші хабар таратты.
«Ресейлік және қазақстандық балуан 2018 жылы әлем чемпионатының күміс жүлдесін, 2019 жылы Азия чемпионы атанды», - жазды тывалық басылым.
Отыз жастағы балуан расында 1991 жылы Ресей Федерациясының құрамындағы Тыва Республикасында дүниеге келген. 2012 жылы Ресейдегі Ярыгин атындағы беделді турнирде үшінші орынға ие болған. 2014 жылы Қазақстан атынан шығу туралы келісімге келген. 2015 Қазақстан президенті кубогінде қола медаль иеленіп, әлем чемпионатында бесінші орын алып, Рио олимпиадасына жолдама ұтқан. Бірақ Бразилия астанасында өткен дүбірлі додада 12 орыннан көрінген. Айтпақшы, Қазақстан ұлттық құрамасына ауысқан соң есім-сойын Нұрислам САНАЕВ деп өзгерткен еді.
Тываның Чадан қаласында туған Нұрислам күрес мектебін сол жақта игерген. 57 келіде Токио боз кілемінде ол жартылай финалға жапондық балуан Юки ТАКАХАШИДІ 6:4 есебімен жеңіп шықты.
Фото: olympic.kz
Байланысты жаналықтар
MalimBlocks
