Футболдан Еуропа чемпионатының 1/8 финалы аяқталды. Ширек финалға шыққан құрамалар белгілі болды.
Лондондағы "Уэмбли" стадионында Англия мен Германия құрамалары кездесті. Бірінші таймда есеп ашылмады. 75-минутта Рахим Стерлинг ағылшындарды алға шығарды.
Ал 85-минутта Харри Кейн Англияның екінші голын салды. Осылайша, ағылшындар 2:0 есебімен жеңіске жетті.
Ал ширек финалға соңғы жолдаманы Швеция мен Украина сарапқа салды. Ойын украиналықтар пайдасына 2:1 есебімен аяқталды.
27-минутта Александр Зинченко шведтер қақпасына гол соқты. Үзіліске дейін швециялық жартылай қорғаушы Эмиль Форсберг есепті теңестірді.
Матчтің негізгі уақыты 1:1 есебімен аяқталып, жеңімпаз овертаймда анықталды
Ойынның 99-минутында Маркус Даниэльссон қызыл қағаз алып, шведтер он ойыншымен қалды. Ал 121-минутта Артем Довбик гол соғып, Украина құрамасына жеңіс сыйлады.
Енді ширек финалда Англия мен Украина құрамалары кездеседі. Бұл кезеңдегі басқа жұптар: Бельгия - Италия, Дания - Чехия және Швейцария - Испания
