Қысқы Универсиада ойындарында еліміздің парашаңғышы Денис Зинов 10 км еркін жүрістен күміс медаль иеленсе, Роман Құрбанов қола медальға қол жеткізді, деп хабарлайды Malim.kz.
«Бұл жетістік еліміздің параспортшыларының қажырлы еңбегін, спортшыларымыздың қайсарлығы мен мықты рухын тағы бір мәрте әлемге паш етті. Екі спортшымызды да жеңістерімен құттықтап, болашақтағы жарыстарда одан да жоғары жетістіктерге жетуіне тілектеспін! Барлық спортшыларымызға алдағы сындарда табыс, күш-қуат тілеймін!», – деді ҚР Ғылым және жоғары білім министрі Саясат Нұрбек.
Министрліктің мәліметінше, әзірге Ұлттық құраманың қоржынында 1 алтын, 1 күміс, 1 қола бар.
Фото: Ғылым және жоғары білім министрлігі
