АҚШ президенті Дональд Трамп Израиль кнессетінің депутаттары алдында сөйлеген сөзінде арнайы өкілі Стив Уиткоффтың Ресей президенті Владимир Путинмен кездесуіне қатысты күтпеген жайтты бөлісті, деп хабарлайды Malim.kz BBC-ге сілтеме жасап.
«Мен Уиткоффты Путинмен кездесуге жібергенде, бұл 15-20 минутқа созылады деп ойладым. Бірақ кездесу бес сағатқа созылған. Мен одан: “Сендер бес сағат бойы не туралы сөйлестіңдер, қарғыс атқыр?!” – деп сұрадым. Ол: “Қызықты нәрселер туралы сөйлестік”, – деп жауап берді», – деді Трамп.
АҚШ-тың Таяу Шығыс бойынша арнайы өкілі Стив Уиткофф Путинмен биыл бес рет кездескен: 11 ақпанда, 13 наурызда, 11 және 25 сәуірде, сондай-ақ 6 тамызда. Келіссөздердің негізгі тақырыптары – Украинадағы соғысты тоқтату және Ресей мен АҚШ арасындағы тұтқындармен алмасу мәселелері болған.
Трамптың айтуынша, өткен дүйсенбіде ол Уиткоффқа «Ресей мен Украина арасындағы қақтығысты реттеуге бар назарын аударуды» тапсырған.
Фото: РФ президентінің баспасөз қызметі
