АҚШ президенті Дональд Трамп америкалық Конституцияның 22-түзетуінде белгіленген тыйымға қарамастан, үшінші рет мемлекет басшысы болуға құқығы бар екенін меңзеді, деп хабарлайды Malim.kz CNN-ге сілтеме жасап.
Трамптың пікірінше, 2020 жылы өзі қайта сайлана алмаған кезде демократтар тарапынан заңбұзушылықтар болған. Ол қарсыласы Джо Байден жеңімпаз деп жарияланған дауыс беру қорытындыларын іс жүзінде мойындаған жоқ.
«Мүмкін, біз тағы бір мерзімге қалатын шығармыз… Біз бұған құқылымыз, өйткені олар екінші мерзім кезінде жаппай алаяқтық жасады. Шын мәнінде, бізде ондай құқық бар», — деді президент Техас штатындағы жақтастары алдында сөйлеген сөзінде.
CNN атап өткендей, 2020 жылғы сайлауда ауқымды бұрмалаушылықтар болғаны жөнінде ешқандай дәлелдер болмаған. Сол сайлауда АҚШ президенті болып Джо Байден сайланған еді.
Басылымда сондай-ақ америкалық көшбасшының «Американдық бұғаз» деген жазуы бар қалпақ киіп, сахнаға өзінің сайлауалды науқандарында жиі қойылатын Ли Гринвудтың God Bless the USA әнімен шыққаны айтылған.
2025 жылдың мамыр айында Трамп оның көптеген серіктестері 2028 жылғы президенттік сайлауда кандидатурасын ұсынғанын қалайтынын мәлімдеген. Алайда өзі Ақ үйде үшінші мерзімге түсуге ниетті емес екенін, бұған дейін ишара жасағанымен, айтқан.
«Мен сегіз жыл президент боламын, мен екі мерзім президент боламын. Мен мұны әрдайым өте маңызды деп санадым», — деген ол NBC арнасына берген сұхбатында.
