Филология ғылымдарының докторы, тарих ғылымдарының кандидаты, белгілі түрколог ғалым Қаржаубай Сартқожаұлы 77 жасында дүние салды, деп хабарлайды Malim.kz.
Қаржаубай Сартқожаұлы 1947 жылы 21 наурызда Моңғолияның Баянөлгей өлкесінде дүниеге келген.
1973 жылы Моңғолия мемлекеттік университетін бітірген. 1985-1988 жылдары Ленинградтағы Шығыстану институтының аспирантурасында оқыған. 1973-1975 жж. Баянөлгей аймағында №10 мектепте ұстаз, 1975-1989 жж. Моңғолия ҒА Тарих институтының аға ғылыми қызметкері, 1989-1995 жж. Түркі-Қазақ ғылыми орталығының аға ғылыми қызметкері, директоры, 1995-1998 жж. Баянөлгей аймақтық мәслихат төрағасы, 1995-1998 жж. Моңғолия ҒА Түркі-Қазақ ғылыми орталығының директоры, 2001 жылдан Еуразия Ұлттық университетінің Эпиграфика және этнография лабораториясының меңгерушісі.
Тарих ғылымының кандидаты, профессор. «Қош бол, апа!», «Қыранның қазасы», «Сәйгүліктер» атты көркем прозалық кітаптардың, 100-ге жуық ғылыми мақала авторы. «Бір автобустағылар» (1986) атты кітабы моңғол тілінде жарық көрген. «Этнокультурный связь древнотюркского-уйгурского каганата» (Алматы, 1988), «Объединенный каганат тюрков», (Астана, 2001) ғылыми кітаптары шықты. 80-ге жуық ғылыми мақалалары Мәскеу, Ұлан-Батыр, Бейжің, Стамбұл, Лондон, Париж, Алматы, Астана қалаларында ғылыми басылымдарда жарияланды.
Премьер-министр орынбасарының Құрмет грамотасымен (2001), Білім және ғылым министрлігінің Құрмет грамотасымен (2001) марапатталған.
Фото: әлеуметтік желіден
Байланысты жаналықтар
MalimBlocks
