Украина Қорғаныс министрлігінің Бас барлау басқармасының (БББ) «Елестер» арнайы бөлімшесі 21 қыркүйекте РФ аннексиялаған Қырымда Ресейдің екі Бе-12 «Чайка» сүңгуір қайыққа қарсы амфибия ұшағын атқылады, деп хабарлайды Malim.kz.
БББ-ның 22 қыркүйек, дүйсенбі күнгі Telegram-арнасында бұл «Бе-12-нің тарихтағы алғашқы жойылуы» екені айтылды.
Украина барлау қызметі жойылған ұшақтардың бейнежазбасын жариялады. Хабарламада Бе-12 «Чайка» амфибия ұшақтарының суасты қайықтарын анықтауға және оларға қарсы күреске арналған қымбат жабдықпен жабдықталғаны атап өтіледі. Ведомство мәліметінше, екі Бе-12 ұшағымен бірге Ресей Қарулы күштерінің тағы бір көп мақсатты Ми-8 тікұшағы да жойылған.
Бұған дейін ГУР «Елестер» арнайы бөлімшесі Қырымда үш ресейлік Ми-8 тікұшағын және 55Ж6У «Небо-У» радиолокациялық станциясын жойғанын хабарлаған еді.
Ресей тарапы бұл шығындарға қатысты пікір білдірген жоқ. Алайда Ресей Қорғаныс министрлігі соңғы екі күн қатарынан Қырым мен Қара теңіз акваториясында дрондарды жойғанын мәлімдеп келеді.
Фото: Serhii Korovainyi/REUTERS
