7 маусымға қараған түні Украина Қарулы күштері аннексияланған Қырым аумағындағы бірнеше нысанға соққы жасаған, деп хабарлайды Malim.kz DW-ге сілтеме жасап.
Алдын ала мәліметтерге сәйкес, соққылардың бірі Қырымның шығысындағы Ленин кентінде орналасқан Семиколодезян мұнай базасына тиген. Оқиғадан кейін нысанда өрт шыққаны хабарланды.
Telegram-дағы «Крымский ветер» мониторингтік тобы NASA Firms спутниктік бақылау деректеріне сүйене отырып, өрттің таңертең күшейгенін мәлімдеді.
Сондай-ақ украиналық Exilenova+ арнасы да спутниктік суреттерге сілтеме жасап, аталған мұнай базасына шабуыл жасалғанын хабарлады.
Бұдан бөлек, расталмаған ақпарат бойынша, Қырымдағы ең ірі мұнай базаларының бірі саналатын Феодосиядағы нысан мен Советский кентіндегі әскери бөлім де шабуылға ұшыраған болуы мүмкін.
Қазіргі уақытта бұл мәліметтер бойынша ресми растау жарияланған жоқ.
