Ыстамбұлда Украина мен Ресей арасындағы келіссөз аяқталды, деп хабарлайды Malim.kz Азаттық радиосына сілтеме жасап.
Келіссөзге қатысқан Украина қорғаныс министрі Рустем Умеровтің мәлімдемелері:
Ресей атысты тоқтатуға және екі ел президенттерінің кездесуіне келіспеді. Біз тек тұтқын алмасуға келістік.
Ресей мен Украина тұтқындағы денсаулық жағдайы ауыр, сондай-ақ 25 жасқа толмаған әскерилерді алмасуға келісті.
Ресей Украинаға атысты тоқтату бойынша ұсынысы жазылған меморандумды тапсырды. Киев құжатты қарап көреді.
Екі тарап қаза тапқан әскерилердің сүйегін «6000-да 6000» формуласымен алмасуға келісті.
Украина маусым айының аяғына дейін тағы бір келіссөз өткізуді ұсынды.
Фото: Francisco Seco/AP Photo/Pool/picture alliance
