Украина «сутенерлікпен айналысты» деп соттаған ресейлік өз елінде «отанға опасыздық жасады» деген айыппен қамалған.
ВВС «мемлекетке опасыздық жасады» деп айыпталған Сайтхусен Арчаковтың ісімен танысты. Қазірше оның аты-жөнінен басқа ресми ештеңе белгілі емес. Дағыстаннан келген мигрант Украинада сутенерлігі үшін сотталып, соғыс кезінде елден қуылған. Қазір ол Ресейде. Бірақ өз отаны өзекке теуіп отыр. Арчаковты Украина қарулы күштерімен және Украина жағында соғысып жатқан шешен батальонымен байланысы бар деп, ұзақ мерзімге соттауы мүмкін. Мемлекетке опасыздық жасады деген айыппен қамауға алынғанға дейін ол Мәскеу түбіндегі арнайы тергеу изоляторларында төрт ай отырған.
Фото: ВВС
