Венесуэланың сыртқы істер министрі Иван Хиль Каракаста АҚШ-тың Венесуэла бойынша жаңа сенімді өкілі Лора Догамен кездесті, деп хабарлайды Malim.kz. DW-ге сілтеме жасап.
Оның айтуынша, кездесу екіжақты қызығушылық тудыратын мәселелер бойынша іс-қимыл жоспарын айқындауға, сондай-ақ қолда бар келіспеушіліктерді дипломатиялық диалог, өзара құрмет және халықаралық құқық негізінде талқылау мен реттеуге бағытталған жұмыс тәртібінде өтті.
Лора Дога бұл қызметке 22 қаңтарда тағайындалған. Бұған дейін ол АҚШ-тың Гондурас пен Никарагуадағы елшісі, сондай-ақ АҚШ Қарулы күштері Біріккен штаб бастықтары комитеті төрағасының сыртқы саясат жөніндегі кеңесшісі қызметтерін атқарған.
