Жамбыл облысының Меркі ауданында жабайы өсетін қарасораны жою жұмыстары жүргізіліп жатыр, деп хабарлайды Malim.kz.
Бұл шара «Қарасора – 2026» жедел-профилактикалық іс-шарасы аясында маусым айынан бері қолға алынған.
Облыстық прокуратураның мәліметінше, өңірдегі жабайы қарасора өсетін аумақтың жалпы көлемі шамамен 19 мың гектарды құрайды. Жұмысқа 14 ауылдық округтен 28 ерікті тартылып, арнайы техника жұмылдырылған.
Бүгінгі күнге дейін 580 гектар аумақтағы 376 тонна өсімдік шабылып, өртеліп жойылды.
Сонымен қатар, биыл жеті айда өңірде 28 есірткі қылмысы тіркелген. Бұл өткен жылдың сәйкес кезеңімен салыстырғанда 37,8 пайызға аз. 2025 жылдың осы кезеңінде 45 қылмыс тіркелген.
