Таразда Жамбыл облысы бойынша экология департаментінің басшысы Талғат Смағұлов, металлургия зауытының бас директорының орынбасары Бақтияр Полатбеков және кәсіпорынның экологы Марат Асан сот алдында жауап берді, деп хабарлайды Malim.kz Антикорға сілтеме жасап.
Сот Смағұловты пара алғаны, ал зауыт өкілдерін жалпы қамқорлық пен тексеріс кезінде анықталған заңбұзушылықтарды жою үшін пара бергені үшін кінәлі деп тапты.
Іс фигуранттарына жалпы сомасы 24 миллион теңге көлемінде айыппұл салынды.
Сонымен қатар, олар өмір бойы мемлекеттік қызметте және квазимемлекеттік секторда қызмет атқару құқығынан айырылды.
Фото: Антикор
