Кәсіпқой боксшы Жанқош Тұраров (28-0, 28 КО) 28 қыркүйек күні шаршы алаңға шықпайтын болды. Бұл туралы спортшының өзі әлеуметтік желідегі парақшасында мәлімдеді, деп хабарлайды Malim.kz.
"28 қыркүйекке жоспарланған жекпе-жегім жаттығу кезінде оң иығымнан жарақат алуыма байланысты кейінге қалды. Ендігі жекпе-жек қашан болатынын алдағы уақытта хабарлаймын", - деп жазды боксшы.
Жанқош Алматыда екі бірдей чемпиондық атағын қорғау үшін 28 қыркүйекте шаршы алаңға шығады деп күтілген еді. Қарсыласы бұрын-соңды жеңіліп көрмеген венесуэлалық Хесус Корреа Пинто (16-0, 16 КО) болатын.
Айта кетейік, бұған дейін Әнару Қалдыбекқызы есімді ару "Жанқош Тұраров зорлады" деп полицияға шағымданған еді. Ал Жанқош Тұраров және оның адвокаты алғашқы күннен бастап-ақ бұл ақпаратты жоққа шығарумен келеді.
Фото: әлеуметтік желі
