Абу-Дабиде АҚШ-тың арағайындық етуімен Украина мен Ресей арасындағы алғашқы келіссөздер раунды аяқталды, деп хабарлайды Malim.kz. DW-ге сілтеме жасап.
Келіссөздер 24 қаңтарда жалғасады.
Абу-Дабиде Украина, Ресей және АҚШ өкілдері арасында Украинадағы соғысты тоқтату жөніндегі АҚШ жоспары аясында өткен алғашқы тікелей келіссөздер раунды аяқталды. Украина президенті әкімшілігінің хабарлауынша, келіссөздер жұма күні, 23 қаңтар кешке «бүгінге аяқталды».
Украин делегациясының бас келіссөз жүргізушісі Рүстем Умеров X әлеуметтік желісінде мәлімдегендей, Абу-Дабидегі алғашқы кездесудің негізгі тақырыбы соғысты аяқтауға негіз бола алатын «айқындаушы факторлар» болды. Сонымен қатар, «келіссөздер процесінің алдағы логикасы» да талқыланған.
Умеровтың айтуынша, қосымша кездесулер 24 қаңтарға жоспарланған. Үш елдің өкілдері АҚШ-тың бейбітшілік жоспары бойынша консультацияларды Ресей Украинаға қарсы соғыс бастағаннан бері алғаш рет өткізіп отыр.
Бұған дейін, Абу-Дабиде АҚШ-тың қатысуымен Украина мен Ресей арасындағы келіссөздер басталғанын жазған едік.
