Трамп Колорадодағы Капитолийде ілінген портретін сынап тастады

АҚШ президенті Дональд Трамп Колорадо штаты Капитолийінде ілінген өзінің портретін сынап тастады, - деп хабарлайды Malim.kz тілшісі. 

Бұл туралы Дональд Трамп Truth Social парақшасында жариялады. АҚШ басшысы штат губернаторы Джаред Полис Капитолий ғимаратына ілген портрет президенттің бейнесін әдейі бұрмалап, мазақ еткенін айтты. 

«Ешкім өзіне ұнамайтын портретті немесе суретті көргісі келмейді, бірақ Колорадо штатындағы Мемлекеттік палатаның ғимаратында барлық президент портреттерімен қатар, губернатор орнатқан менің портретім бұрын-соңды көрмегенімдей шектен тыс бұрмаланған. Суретші Обаманың портретін де салған, ол тамаша шыққан, бірақ менікі шын мәнінде ең нашар. Ол жасы ұлғайған сайын талантын жоғалтып жатқан секілді. Әрине, мұндай сурет болмағанынан дұрыс болар еді, бірақ Колорадо тұрғындары маған телефон шалуға, хат жазуға дейін барып, реніш білдіріп жатыр. Тіпті ашуланып отыр! Мен олардың атынан қылмысқа қатысты әлсіздігімен, әсіресе «Tren de Aragua» қылмыстық ұйымының Аурараны дерлік бақылауына алғанында, қатты сынға алынған радикалды солшыл губернатор Джаред Полистен бұл портретті алып тастауды талап етемін. Джаред ұялуы керек!», – деп жазды Дональд Трамп.

Бұл картинаны суретші Сара Бордман салып, 2019 жылдың тамыз айында Колорадо штатының Капитолийіне ілген. Жақында Трампқа тағы бір портретті Ресей президенті Владимир Путин сыйға тартты.