Жогорку Кенеш Асқар Ақаевқа экс-президент мәртебесін қайтарудан бас тартты

Қырғызстан парламенті Асқар Ақаевтың экс-президент мәртебесін қайтару туралы өтінішін қанағаттандырмады, деп хабарлайды Malim.kz.

3 қыркүйек күні Жогорку Кенешке Асқар Ақаевтан бұрынғы президент мәртебесін қайтару туралы өтініш түскен. Бұл хат Жогорку Кенештің конституциялық заңнама комитетіне жолданып, өз кезегінде комитет мүшелері депутаттарға өтінішті қанағаттандырмауға кеңес берген. Парламент өкілдері комитет ұсынысын қолдаған.

Асқар Ақаев тәуелсіз Қырғызстанның бірінші президенті болды. Ол 1990 мен 2005 жылдар аралығында мемлекет басшысы лауазымын атқарды. Ал 2005 жылғы 25 наурызда революциядан соң тағынан тайды. Сол уақыттан бері ол шетелде тұрады. Өзіне және отбасына қатысты қылмыстық іс қозғалғаны туралы да ақпарат тараған.

Фото: region.kg