АҚШ-тағы сайлау: Трамптан басым қос үміткер Байденге қолдау білдірді

АҚШ президенттігіне үміткер Дональт Трампты саяси әлеуеті бойынша жеңуге қауқарлы саясаткерлер есімі анықталды. Демократтар арасында жүргізілген сауалнама нәтижесінде Хиллари Клинтон мен Камала Харрис Дональт Трамптан саяси додада басым түсуге қауқарлы екені айтылды.

Malim Админ

  • 10.07.2024

АҚШ-тың бұрынғы мемлектеттік хатшысы Хиллари Клинтон мен елдің қазіргі вице-президенті Камала Харрис Республикашылдар партиясының өкілі Дональт Трампты президент сайлауында ұту мүмкіндігіне ие үміткер ретінде танылып отыр. Бұл сауалнаманы Bendixen & Amandi зерттеу компаниясы жүргізген, деп хабарлайды Malim.kz.

Қазіргі президент Джо Байден маусым айының соңында Атлантада өткен сәтсіз пікірталастан кейін алдағы сайлауда Трамптан жеңіліп қалу қаупі басым. Бұл оның бәсекелестерінің Демпар рейтингін жоғарылатып отыр. Сонымен қатар, сауалнама нәтижесі Байденнің Трамптан артта қалғанын көрсетті. 

Пікірталастарды көрген сауалнамаға қатысқандардың 86 пайызының тек 29 пайызы Байденнің жаңа төрт жылдық мерзімге төтеп беру қабілетіне (ақыл-ой және физикалық) сенім артқан. Тағы 52% оның президенттік жарыстан шығуы керек деген сенім білдірді.

Вице-президент Камала Харристің АҚШ президенттігіне үміткер ретінде Трамптан сәл басымдықпен озып кетті.  2016 жылы президенттікке үміткер болған Хиллари Клинтонның Трамптан жеңілгені белгілі. Сауалнама қорытындысы бойынша егер Хиллари мен Харрис бірігіп, "президент -  вице-президент" ретінде Демпартиядан додаға түссе, олардың Трамптан әлдеқайда басым түсетінін көрсеткен.

Сауалнама барысында демократиялық партияның үміткерлері - Калифорния губернаторы Гэвин Ньюс пен Мичиган губернаторы Гретчен Уитмер үміткерлер қатарына енген. Алайда олардың саяси әлеуеті Трампқа қарсы төтеп бере алмайтыны бағалау кезінде анықталды.

АҚШ- тың экс-президенті Барак Обаманың тобындағы әлеуметтанушы Фернан Аманди Politico-ға берген сұхбатында «Сайлаушылар президент Байденнің қартайғанына қатты алаңдайды және олардың күдігі пікірталастан кейін күшейе түсті", - деп мәлімдеді.

Ол Bendixen & Amandi сауалнамасы бойынша анықталған "Хиллари Клинтоннің саяси салмағына" қатты таң қалғанын жасырмаған.

«Көпшілік оны «кешегі жаңалық»  және өткен шақтағы «үміткер» ретінде қабылдамаса да, сайлаушылар кем дегенде осы сауалнамада Клинтонның оралуына ашық болуы мүмкін. Көпшілік Клинтонның президент және Харрис вице-президент ретіндегі «жұбын» әлдеқайда мықтырақ деп болжайды", - деді Фернан Аманди.

Атлантада өткен Байден мен Трамптың пікірталастары CNN арнасында 28 маусым күні өткен болатын. Олардан кейінгі арна сауалнама жүргізіп, оған сәйкес респонденттердің 67 пайызы Трампты жеңімпаз деп таныса, 33 пайызы Байденді лайық деп санаған. Ал «the New York Times» газеті редакцияның мәлімдемесін шығарып, онда "Байден мырзаның ең үлкен қоғамдық қызметі — ол қайта сайлауға түспейтінін жариялау" деп мақала жазып отыр.

Демократиялық партияның кейбір ықпалды мүшелері Байденнің кандидатурасына қарсы болғандар бар. Тіпті, олардың арасында сенатор Марк Уорнер бұл пікірін көпшілік алдында айтты. Ал сенатор Джон Феттерман Байденнің шашпауын көтеру арқылы, оны "Трамптың есегін тепкен» жалғыз адам ретінде жоғары бағалады.

Байден болса, бұл ретте саяси элитаның оны науқанды тоқтатуға мәжбүрлеуіне қатты ренжігенін атап өтті.  Демократиялық партия мүшелерін оның алғашқы пікірталастағы сөзіне және сайлаудан бас тартуына наразы болып, тамыз айында өтетін партия жиынында президенттікке өз кандидатураларын ұсынуға шақырып отыр.

The hill басымының жазуынша, Байденнің сайлауалды штабының мүшесі Седрик Ричмондтың айтуынша, вице-президент Харрис Байденге жеке және көпшілік алдында қолдау білдірген. 2020 жылы Харрис те президенттікке кандидатурасын ұсынған. Алайда ол кейін Байденге қосылып, оны қос қолдап демеді.

Ал АҚШ-тың экс-мемлекеттік хатшысы Хиллари Клинтон Байден мен Трамптың пікірталасынан кейін қандай жағдайда да қазіргі мемлекет басшысына дауыс беретінін мәлімдеді.

"Бұл (Байден) сізге қамқорлық жасайтын адам. Ол - сіздің құқықтарыңыз, болашағыңыз және тек өзіне қамқорлық жасайтын адам арасындағы таңдау", - деді ол.

Клинтон 2016 жылдың қыркүйегінде президенттікке үміткер ретінде Трамппен пікірталасқа қатысқан. Содан кейін АҚШ басылымдары олардың арасындағы басымдықты әр түрлі бағалады. Мәселен, «The Washington Times» сауалнамасы Трамптың жеңісін 70 пайыздан астам болды деп жазса, ал CNN Клинтонның жеңісін 62% деп көрсетті.

Фото: Ron Adar

Байланысты жаналықтар

Газа секторы: Хан-Юнис қаласына Израиль танктері шабуылдады

24.07.2024

Борис Джонсон Дональд Трампқа Украина мен Ресейді татуластыру туралы ұсыныс айтты

23.07.2024

Байден сайлауға қатысудан бас тартты

22.07.2024

Ковид жұқтырған Байден сайлаудан бас тартпайды

19.07.2024

Трампқа жасалған қастандық: неліктен Қауіпсіздік қызметі шабуылдаушыға АҚШ-тың бұрынғы президентіне жақын келуіне мүмкіндік берді?

17.07.2024

Виктор Орбанның Ресейге сапары Еуропа үшін неліктен "қолайсыз"?

16.07.2024
MalimBlocks
Газа секторы: Хан-Юнис қаласына Израиль танктері шабуылдады

Газа секторының Хан-Юнис қаласына Израиль әскері шабуыл жасады. Al Jazeera-ның мәліметінше, денсаулық сақтау министрлігі 84 палестиналық қаза тауып, 329 адам жарақат алған.

Борис Джонсон Дональд Трампқа Украина мен Ресейді татуластыру туралы ұсыныс айтты

Ұлыбританияның экс-премьер-министрі және Украинаға әскери көмек көрсетуде белсенді қолдаушы Борис Джонсон британдық "Daily Mail" басылымына жазған бағанында бірқатар жайттарды алға тартты. Мақалада ол Дональд Трамп қайта сайланған жағдайда Украинаны құтқара алатынына сенім білдірген.

Байден сайлауға қатысудан бас тартты

АҚШ президенті Джо Байден жақтастарының кеңесін алып, сайлауға төрт ай қалғанда Дональд Трамппен додаға түсуден бас тартты.

Ковид жұқтырған Байден сайлаудан бас тартпайды

АҚШ президенті Джо Байден қараша айында өтетін сайлаудағы үміткерлігіне қатысты партиялық жаңа мәселелерге тап болды. Жағдай қиындағанымен қатар, ол ковид жұқтырып, сайлауалды іс-шараларын тоқтата тұруға мәжбүр.

Трампқа жасалған қастандық: неліктен Қауіпсіздік қызметі шабуылдаушыға АҚШ-тың бұрынғы президентіне жақын келуіне мүмкіндік берді?

Шілденің 13-күні АҚШ-тың Пенсильвания штатында Дональд Трампқа қастандық жасалды. Осыдан кейін ел билігі мен БАҚ АҚШ-тың қазіргі және бұрынғы президенттерінің қауіпсіздігіне жауап беретін агенттіктің жұмысына назар аударды. Саясаткерлер, журналистер мен сарапшылар Трампқа оқ атқан адамның ол жерге қалай барғанын тыңғылықты зерттеуге кіріскен.  

Виктор Орбанның Ресейге сапары Еуропа үшін неліктен "қолайсыз"?

Венгрия премьер-министрі Виктор Орбанның Ресейге барған сапарынан кейін Еуропалық Одақ Будапештте өтуі тиіс Сыртқы істер министрлерінің конференциясына бойкот жариялауды қарастырып отыр.