Облыс әкімдігі Ұйғыр ауданындағы қақтығыс себебін түсіндірді

Malim Админ

  • 17.06.2020

Алматы облысына қарасты Ұйғыр ауданында болған жанжалға қатысты облыс әкімінің баспасөз хатшысы Ғалымұрат ЖҮКЕЛ Мәлім. кз сайтының тілшісіне айтып берді.
«Дәл қазір Амандық БАТАЛОВТЫҢ төрағалығымен аудан орталығында жиналыс өтіп жатыр. Бұл жерге ел ағалары, ақсақалдар, жастар жиналған. Негізгі мәселе 16-сы күнгі орын алған оқиға. Және оның салдары. Барлық адам бұл қақтығыстың ешқандай ұлтаралық себептерден емес екенін алға тартты. Тәртіптсіздік болған. Қазір ауруханада жатқан азаматтардың өмірлеріне қауіп жоқ. Жағдайлары тұрақты. Дәрігерлердің бақылауында», - деді Ғалымұрат ЖҮКЕЛ.
Төбелес аудан орталығы Шонжы ауылының Шанхай шағынауданы мен Бахар ауылы жастарының арасында болған екен. Облыстық денсаулық сақтау басқармасының хабарлауынша, бес адам пышақ жарақатымен ауруханаға түскен.
«15 маусым күні сағат 23:46-да 5 адам пышақ жарақатымен Ұйғыр аудандық ауруханасына түскен. 1999 жылы туған екі азаматқа ота жасалды. 2 адамға медициналық көмек көрсетілгеннен кейін амбулаторлық ем қабылдауға жіберілді. 1 адам хирургия бөліміне жатқызылды. Қазіргі уақытта 3 адам аталған аурухананың хирургия бөлімінде ем қабылдап жатыр. Жағдайлары тұрақты», - деді облыстық Денсаулық басқармасының баспасөз хатшысы Ләйлім ӘУБӘКІРОВА отандық интернет басылымдардың біріне.
Жергілікті тұрғындардың хабарлауынша, жиналыс әлі өтіп жатыр. Онда көтерілген мәселелерге қатысты хаттама толтырылуда.
«Жиылған жұрт бұл мәселеге қатысты өздерінің наразылықтарын білдіріп, келесіде бұндай жағдайға жол бермеу керектігін айтты. Ақсақалдардың айтуынша, жастардың арасында іріткі салу деректері де жоқ емес. Өз кезегінде Алматы облысы әкімі Ұйғыр ауданы облыстағы экономикалық қарқыны дамып жатқан аймақтардың бірі екенін айтып өтіп, инвестициялық жобалардың іске асып жатқанын айтты. Ауданда атқарылып жатқан өзге де жұмыстарға тоқталды. Амандық Ғаббасұлы елдің татулығы, тыныштығы үшін бұндай мәселелерді тамырымен кесіп алып тастау керектігін айтып өтті. Бұнда көтерілген барлық мәселеге қатысты хаттама толтырылып, тиісті шешім қабылданатын болады», - деді облыс әкімінің баспасөз хатшысы МӘЛІМ. КЗ сайтының тілшісіне.
Жалпы, БАҚ-та Ұйғыр ауданындағы мәселелер оқтын-оқтын көтеріліп тұрады. Негізгі мәселелердің бірі - аудан атын ауыстыру.

Материалды көшіріп басуға болмайды.

Байланысты жаналықтар

Аудан аты өзгермесе, кез келген мәселе ұлтаралық қақтығысқа айналады

17.06.2020

Ұйғыр ауданында не болып жатыр?

17.06.2020

Қытайша білетіндер сенат спикері болады...

03.05.2020

Баталов аудан атын өзгертемін деп уәде берген жоқ

20.06.2020
MalimBlocks
Аудан аты өзгермесе, кез келген мәселе ұлтаралық қақтығысқа айналады

Ұйғыр ауданында не болып жатыр?

Қытайша білетіндер сенат спикері болады...

Баталов аудан атын өзгертемін деп уәде берген жоқ