ҰҚК Қасым-Жомарт Тоқаевтың бұйрық жобасын әзірледі. Жобаға сәйкес президент Ұлттық қауіпсіздік комитетінің Шекара қызметін қайта құруы мүмкін.
Құжат Ашық электронды үкімет сайтында 17 наурызға дейін көпшілік талқылау үшін жарияланды. Құжатта мына мәселелер нақты жазылған.
- «Қазақстан Республикасы Ұлттық қауіпсіздік комитетінің Шекара қызметі» республикалық мемлекеттік мекемесі қайта ұйымдастырылсын (қызмет бабында пайдалану үшін).
- Шекара қызметінің республикалық мемлекеттік мекемелері осы Жарлыққа 1-қосымшаға сәйкес қайта ұйымдастырылсын (қызмет бабында пайдалану үшін).
- Осы Жарлықтың 2-тармағында көзделген іс-шаралар орындалғаннан кейін Шекара қызметінің республикалық мемлекеттік мекемелері осы Жарлыққа 2-қосымшаға сәйкес қайта аталсын (қызмет бабында пайдалану үшін).
- Қазақстан Республикасының Ұлттық қауіпсіздік комитеті Қазақстан Республикасының заңнамасымен белгіленген тәртіппен осы Жарлықтан туындайтын шаралардың қабылдануын қамтамасыз етсін.
- Осы Жарлық қол қойылған күнінен бастап қолданысқа енгізіледі.
ҰҚК Шекара қызметі – Қазақстанның мемлекеттік шекарасын қорғайтын, күзететін арнайы қызмет. Республика шекарасын бұзатын, оның бүтіндігіне қауіп төндіретін әрекеттерді бақылайды. ҰҚК құрамына кіреді.
MalimBlocks
