АҚШ әскери әуе күштерінің Эль-Ходейда провинциясындағы Рас-Иса мұнай портына жасаған әуе соққысынан қаза тапқандар саны 74 адамға жетті.
Бұл туралы хуситтік «Ансар Аллах» қозғалысы басқаратын үкіметтің Денсаулық сақтау министрлігі мәлімдеді, деп жазады ТАСС.
Министрлік мәліметінше, шабуылдан 171 адам жарақат алған. Қазір төтенше қызмет өкілдері мен азаматтық қорғаныс бригадалары із-түзсіз кеткендер мен зардап шеккендерді іздестіру жұмыстарын жалғастырып жатыр.
АҚШ шабуылы 18 сәуір күні кешке Қызыл теңіз жағалауындағы маңызды мұнай терминалдарының бірі – Рас-Иса портына бағытталған еді. Бұл шабуыл хуситтер мен АҚШ арасындағы шиеленістің күшеюімен тұспа-тұс келіп отыр.
Еске салайық, бұған дейін бұл шабуылдан 38 адамның қаза тауып, 102 адамның жараланғаны туралы жаздық.
Фото: AP Photo
