Бас әскери прокуратура Ақтаудағы сарбаз өліміне қатысты мәлімдеме жасап, қазір күдіктіге қатысты тергеу басталғанын мәлімдеді, деп хабарлайды Malim.kz.
2024 жылғы 07 қыркүйекте сағат 17:10 шамасында Ақтау қаласындағы Қорғаныс министрлігі әскери бөлімдерінің бірінің взвод командирі «Оймаша» полигонының аумағында ПМ табельдік тапаншасынан қатардағы Б-ға оқ атып, ол қайтыс болды. Сол күні Батыс өңірлік әскери-тергеу басқармасы қасақана кісі өлтіру фактісі бойынша сотқа дейінгі тергеуді бастады (ҚК 99-бабының 1-бөлігі), деп жазылған Бас әскери прокуратура мәлімдемесінде.
Мәлімдемеге қарағанда, тергеу органы күдіктіні ҚПК-нің 128-бабы тәртібімен ұстап, Ақтау қаласының уақытша ұстау изоляторына қамауға алған.
Қазір қажетті кешенді тергеу амалдары жүргізіліп жатыр, қылмыстың себептері мен өзге де мән-жайы анықталу үстінде.
Іс бойынша процестік прокурор тағайындалған.
Мұның алдында Ақтауда офицер сарбазды атып өлтіргені туралы жазған едік.
Фото: teren.in.ua
