Еліміздің бас санитар дәрігері Айжан Есмағамбетова Қазақстанда отбасылық шаралар өткізуге әлі де тыйым салынғанын мәлімдеді.
"Бүгінде отбасылық шараларға, яғни көп адам жиналатын іс-шаралар өткізуге тыйым салынған. Біз көпшілік отыратын орындары бар нысандарды біртіндеп аштық. Әуелі 30 адам отыратын нысандарды ашуға рұқсат еттік. Екінші кезеңде 50 орындық нысандарды аштық. Бірақ көпшілік, бұқаралық, отбасылық іс-шараларды атап өтуге тыйым салынады", – деген Есмағамбетова елдегі қазіргі эпидемиологиялық ахуал кезінде кез келген іс-шара өткізуге тыйым салынғанын ескертті.
