Чернобыль АЭС-індегі саркофаг жаңа соққы болған жағдайда опырылып түсуі мүмкін. Бұл туралы станция директоры Сергей Тараканов France24-ке берген пікірінде айтты, деп хабарлайды Malim.kz.
«Егер зымыран немесе дрон тікелей саркофагқа тисе немесе маңайына құласа — мысалы, Құдай сақтасын, “Искандер” сияқты зымыран болса, онда қорғаныс нысанының шыдайтынына ешкім кепілдік бере алмайды. Негізгі қауіп те осында», — деді Тараканов.
Оның айтуынша, ЧАЭС-тің төртінші энергоблогының үстіндегі жаңа қорғаныс конфайнментін толық қалпына келтіру 3-4 жылға созылуы мүмкін.
Станция директоры нысандағы радиация деңгейі «тұрақты әрі қалыпты шекте» екенін де атап өтті.
