Шотландия чемпионатында сенсация жақындап келеді, себебі қазақстандық Ислам Чесноков ойнайтын Хартс турнир кестесінде көш бастады, деп хабарлайды Malim.kz.
35-турда команда Рейнджерс клубын 2:1 есебімен жеңіп, камбэк жасады. Чесноков бірінші таймда ойнап, үзілісте ауыстырылды.
Қазір «Хартс» 76 ұпаймен бірінші орында, Селтик клубынан 3 ұпайға алда. Маусым аяқталуына үш тур қалды, соңғысында екі команда өзара кездеседі.
Айта кетейік, соңғы 40 жылда чемпиондықты тек «Селтик» пен «Рейнджерс» жеңіп алған. «Хартс» осы дәстүрді бұзуға жақын.
