Чехия Украинаға қаржылай қолдау көрсету үшін қаражат бөлмейді. Бұл туралы елдің жаңа премьер-министрі Андрей Бабиш мәлімдеді, деп хабарлайды Malim.kz.
«Біз ешқандай кепілдік бермейміз және ақша бөлмейміз. Біздің басқа мемлекеттердің қажеттіліктеріне жұмсайтын қаражатымыз жоқ», – деп сенбі күні оның сөзін Чехия телевидениесі келтірді.
Сондай-ақ Бабиш «Еуропалық комиссия Украинаға қаржыландырудың өзге жолдарын табуы тиіс» деп қосты.
Телевидение мәліметінше, Украинаны 2026-2027 жылдары қаржыландыру мәселесі 18-19 желтоқсанда өтетін Еуроодақ саммитінде талқыланады. Қазіргі таңда бұл мәселе бойынша ЕО-ға мүше 27 елдің толық келісімі жоқ.
