Қазақстандық әнші Димаш Құдайберген тыңдарманына видеоүндеу жасады, деп хабарлайды Malim.kz.
Сіздер үшін жақсы жаңалығым бар – Астанадағы екінші концертіме билеттер сатылымға шыққанын хабарлаймыз. Концертте кездескенше, баршаңызды жақсы көремін, - деді Қазақстанның халық әртісі жанкүйерлерінің ортасында тұрып.
Артынша Димаштың әлеуметтік желідегі парақшасында жеке ән кешінің ресми хабарландыруы пайда болды.
Достар! Астанада көпшіліктің сұрауы бойынша 14 қыркүйекте «ASTANA ARENA» стадионында өтетін қосымша концертімді ресми түрде хабарлаймын. Билеттер Ticketon.kz сайтында, - делінген жазбада.
Айта кетейік, Димаштың алғашқы концерті 13 қыркүйек күні өтеді. Әнші көрерменнің сұрауы бойынша қосымша кеш өткізу туралы шешім қабылдаған.
Фото: instagram.com/kudaibergenov.dimash
