Димаштан асып түсетін шәкірт тәрбиелеймін – Айгүл Иманбаева

Жақында «Болашақ» бағдарламасымен Англиядағы оқуын тәмамдаған әнші Айгүл Иманбаева шәкірт тәрбиелеуге белсене кірісетінін айтты, деп хабарлайды Malim.kz.

Өнер иесі «1001 түн» бағдарламасына берген сұхбатында өнерде жүрген әрбір адамның өз миссиясы бар екенін атап өтті.

Кім қандай мақсатта оқып келетінін мен білмеймін. Жалпы менің мақсатым, қай жерде отырайын, қай жерде жүрейін маған өнер деген жолды Құдай маңдайыма аманат қып берді ма, мен осы жолда да қызмет ете аламын. Менің өзімнің АИ академиям бар, АИ театрым бар, мемлекеттік университетте АИ шеберханам бар. Мен істейтін жұмыс көп. Сол себепті де қазір мен жиып-теріп әкелген энергиямды да, ойымды да талан-таражға түсірмей, үйренгенімнің бәрін, жазатынын жазып келдім, соның бәрін шәкірттеріме беремін, - дейді әнші.

Ол әлемдік аренада Димаш Құдайберген секілді танымал болатын шәкірт тәрбиелейтініне тоқталды.

Әр өнер адамының арқалап жүрген миссиясы бар, жолы бар. Менің миссиям – алдымда 500 шәкірт отыр, оқушысы бар, студенті бар, шәкірті бар,  сол ұрпақтың өресі биік болуы, білімді болуы, талантты болуы. Оның нәтижесін Димаш көрсетті, яғни Димаштан асып түсетін, Димаштың деңгейінде жүретін қазақта өресі де биік, білім де жоғары талантты ұл-қыздары жетеді. Оларды жол көрсетіп тәрбиелейтін кім? Өресі бар, білімі бар, таланты бар ұстаз. Мен өзімді сол қатардан көремін, - деді Айгүл Иманбаева.

Фото: instagram.com/aigul_imanbayeva