«Қартаяйын дедім бе...»: Сәкен Майғазиев көз жасына ерік берді

Отандық танымал әнші Сәкен Майғазиев әлеуметтік желідегі парақшасында өзіне ерекше әсер еткен видеоны жариялады, деп хабарлайды Malim.kz.

Майғазиев Нұршат Құсайынова есімді жас өнерпаздың «Бес жұлдыз» жобасында айтқан «Құстар қайтып барады» әнін парақшасына салып, көзіне жас үйірілгенін айтты.

Қартаяйын дедім бе, көңілшек болып алыппын. Мына балапаным мені бір жылатты. Кіп-кішкентай болып Тұманбай атасының сөзіне жазылған, Нұрғиса атасының асыл қазынасын жүрекпен орындауын айтсаңшы, – деп жазба қалдырды ол.

Оқырман қауым да жас қыздың дауысына тәнті болып жатыр.

«Денем тітіркеніп кетті. Сөзі де, дауысы да керемет», «Осы әнді тыңдасам марқұм әкешімнің құрдастарымен қонаққа баратын кездері көз алдыма келеді. Ескі әндер есті ғой», «Осы әнді тыңдағанда көзге жас келеді», «Әнді, оның сөзінің құдыретін сезіну үшін үлкен жүрек керек. Жүрегіңнен айналдым, қара қызым!» - деп жазды оқырман.