Бүгін Үкімет отырысында Қаржы министрі Ерұлан Жамаубаев бюджеттен бөлінген ақшаны игере алмай отырған әкімдіктер мен министрліктерді атады.
Министрдің сөзінше, биыл аймақтарға қарастырылған трансферттің құны 2,317 трлн теңге. 1 маусымға дейін 671 млрд теңге бөлінген. Бұл сомманың 96 пайызы, яғни 643 млрд теңгесі игерілген. Игерілмеген сомма – 28 млрд теңге. Оның 8 млрд теңгесі үнемдеуден қалған.
«Ең көп қаржыны Алматы қаласы игере алмады. Игерілмеген ақша – 3,4 млрд теңге. Батыс Қазақстан облысы 2,7 млрд теңге, Павлодар облысы 2,6 млрд теңге, Қызылорда облысы 2,4 млрд теңге, Қарағанды облысы 2 млрд теңге, Маңғыстау облысы 1,6 млрд теңге, Ақмола, Түркістан облыстары 0,9 млрд теңге, Нұр-Сұлтан қаласы мен Алматы облысы 0,8 млрд теңге игерген жоқ», – деді министр.
Бүгінге дейін республикалық бюждеттің шығыны – 5,62 трлн теңге. Оның 61 млрд теңгесі игерілмеген. Ең көп ақша иегермен мекеме Ұлттық экономика министрлігі. Бұл министрлік 7,3 млрд теңгені игере алмаған. Ішкі істер министрлігі 6,4 млрд теңге, Денсаулық сақтау министрлігі 4,8 млрд теңге игере алмаған.
Министр Жамаубаевтың сөзінше, осынша ақшаны игермеуге конкурстық шаралардың өз мерзімінде өтпеуі, келісім шарт уақыты мен ақша аудару жұмыстарының созылуы әсер еткен.
Байланысты жаналықтар
MalimBlocks
