«Қазір көңілі толмайтын әскери зейнеткерлер өте көп, олардың салыстыратын адамдары бар болғандықтан [Сталин мен Берияның суреттерін ұстап шыққан] шығар. Бұл олардың таңдауы, оларды айыптай алмаймын», - деді Құлмұхаметов мәжіліс кулуарында.
Қазіргі кезде әскери қызмет атқарып жүргендердің әрекеті туралы ол «өзіндік анты, әскери міндеті, устав пен ережелер бар, соларға бағыну керегін» айтты.
Айта кетейік, Алматыда 9 мамыр күні болған көшедегі жиындар кезінде Сталин мен Берияның портретін көтеріп шыққандар болды. Бұл тұлғалар XX ғасырдың басындағы Қазақстандағы ашаршылық пен жаппай репрессияларды істегендердің қатарында.
