Қазақстан қор биржасында (KASE) шетелдік валюта нарығындағы сауда-саттық аяқталды.
Күндізгі сауда-саттық қорытындысы бойынша доллардың орташа бағамы 1,49 теңгеге арзандап, 539,54 теңге болды. Ұлттық банктің 16 қыркүйекке арналған ресми бағамы — 541,18 теңге.
Алматыдағы айырбастау пункттерінде доллар орта есеппен 540,14 теңгеден сатып алынып, 542,08 теңгеден сатылып жатыр. Еуро 635,16–639,41 теңге аралығында, рубль 6,43-6,55 теңге шамасында.
Ал Астанада долларды 537,47 теңгеден сатып алып, 542,47 теңгеден сатып жатыр. Еуро — 632,44-640,44 теңге. Рубль бағамы — 6,40-6,60 теңге.
Шымкентте доллар 539,08 теңгеден сатып алынып, 542,08 теңгеден сатылып жатыр. Еуро — 632,96 – 637,88 теңге аралығында, рубль — 6,43 – 6,52 теңге.
Еске салайық, 15 қыркүйектегі сауда-саттық қорытындысы бойынша доллардың орташа бағамы 0,34 теңгеге қымбаттап, 541,18 теңге болды.
Фото: freepik.com
