Сәтбаев қаласын қара қар басты

Арман Қайыпхан

  • 10.01.2025

Желіде Ұлытау облысындағы Сәтбаев қаласында көшелерді қара күйе басып қалғаны көрінетін видео тарады. Қала әкімдігі оқиғаға қатысты түсініктеме берді, деп хабарлайды Malim.kz.

Видео Сәтбаев қаласындағы мұзайдынның бірінің әлеуметтік желідегі парақшасында жарияланды. Кадрлардан мұзайдынның бетін күйе басқаны көрінеді, яғни жылу қазандығынан шыққан түтіннен қар қараға боялған. Ер адам мұздың бетін қолымен сипап, қап-қара алақанын көрсетеді.

Мынаны қараңыздар. Мынау енді болмайды. Күйе шектен тыс түсіп жатыр. Аспандағы қара түнекті қараңыздар, мынау деген масқара ғой. Мыналар шектен шығып кетті, дейді ер адам видеода.

Облыс әкімдігінің мәліметінше, бұл жылу тарифін төмен бағада ұстап тұру үшін арзан көмір жаққаннан болып отыр.

Сәтбаев қаласының қазандығында жылу энергиясын өндіру үшін төмен бағада сатып алынған "Молодежный" кенішінің көмірі пайдаланылады, бұл жылу тарифін төмен бағада ұстап тұруға көмектеседі, бірақ экологиялық жағдайға және жабдықтың тиімділігіне теріс әсер етеді, делінген хабарламада.

Қаланы жылумен үздіксіз қамтамасыз етуге бағытталған ауқымды жөндеу жұмыстары былтыр ғана жүргізілген. Оған жалпы сомасы 1,6 млрд теңге жұмсалған. 

1962 жылы пайдалануға берілген негізгі жабдық жыл сайынғы жөндеу жұмыстарына қарамастан, айтарлықтай тозғанын және газ тазарту жүйелері толығымен ескірген. Қазіргі уақытта кәсіпорын жылу энергиясымен экологиялық көрсеткіштерді жақсартуға және кешенді экологиялық рұқсат алуға бағытталған ең үздік қолжетімді технологияларды енгізу бойынша белсенді жұмыс істеп жатыр. Ең маңызды жоба - газ тазарту жүйесін орнату, делінген жауапта.

Қазір қалада жеке үйлерге газ тарту бойынша жоба әзірленіп жатыр. Жергілікті билік бұл жоба аяқталған соң қазандықтан шығатын күйе мәселесі шешіледі деп сеніп отыр.

Фото instagram.com/p/DEo0VTmswpA

Байланысты жаналықтар

Елімізде бір күнде 400-ден астам адам қар құрсауында қалған

23.01.2025

«94 жобаның 45-і бас тартты». Экология министрі экологиялық жобалардың неге іске аспайтынын түсіндірді

21.01.2025

Жетісуда күшті бораннан жолда қалғандардың видеосы жарияланды

04.01.2025

Ұлытауда қар құрсауында қалған адамдар құтқарылды

02.01.2025

Жетісуда жолда қалған 6 адам эвакуацияланды

15.12.2024

Қазақстанның 4 қаласында ауа сапасы нашарлайды

11.12.2024
MalimBlocks
Елімізде бір күнде 400-ден астам адам қар құрсауында қалған

Сондай-ақ, 42-ден астам көлік қардан шығарылған

«94 жобаның 45-і бас тартты». Экология министрі экологиялық жобалардың неге іске аспайтынын түсіндірді

Жетісуда күшті бораннан жолда қалғандардың видеосы жарияланды

Оларды төтенше жағдай қызметі құтқарған

Ұлытауда қар құрсауында қалған адамдар құтқарылды

Олар 10 сағаттан астам байланысқа шықпаған

Жетісуда жолда қалған 6 адам эвакуацияланды

Олар қар құрсауында қалған

Қазақстанның 4 қаласында ауа сапасы нашарлайды

«Қазгидромет» РМК 11 желтоқсан күнге Қазақстанның бірқатар қаласындағы ауа сапасы жайлы хабарлады.