Қазақстан шетелдіктерге банк картасын жасатудың мерзімін шектеді
695 мыңға жуық ресейлік Қазақстанның банк картасын алған
Қазақстан билігі шетелдіктерге 12 айдан ұзақ мерзімге банк карталарын беруді тоқтатты. Бұл шектеу инвесторларға, кәсіпкерлерге және дипломаттарға қатысты емес және бұрын шығарылған карталарға да әсер етпейді. Қазақстанның бұл қадамына «Голос Америки» назар аударды.
Қазақстанның Қаржы нарығын реттеу және дамыту агенттігі түсіндіргендей, бұл шара «нашақорлық пен цифрлық активтерді заңсыз айналымға салу саласындағы қауіптерді азайту» мақсатында қабылданған.
Қазақстан – Ресей Украинаға басып кіріп, Владимир Путиннің ішінара мобилизация жариялағаннан кейін елін тастап кеткен ресейлік жастар ағылған негізгі елдің бірі болды.
Қазақстан үкіметінің мәліметінше, 2022 жылдан 2024 жылға дейін 695 мыңға жуық ресейлік жергілікті банк карталарын жасатқан, ал Қазақстанның ішкі істер министрлігінің мәліметтері бойынша, 2024 жылы 233 мың ресейлік Қазақстанның мемлекеттік идентификациялау нөмірін алған. Қазақстанда тұратын ресейліктердің нақты саны белгісіз.
Фото: Жансерік Күзембай/Malim.kz
