Түркі орталық банктерінің кеңесі құрылуы мүмкін
Президент Қасым-Жомарт Тоқаев осындай ұсыныс тастады
Түркі орталық банктерінің кеңесін құру туралы идеясын Президент Қасым-Жомарт Тоқаев Түркі мемлекеттері ұйымының бейресми саммитінде айтты, деп хабарлайды Malim.kz.
Мемлекет басшысы түркі мемлекеттерінің экономикасын дамыту мүмкіндіктеріне тоқтала келе экономикалық ынтымақтастықты дамыту үшін қаржы саласындағы байланысты нығайта түсу керек екендігін атап өтті.
Осы ретте Түркі орталық банктерінің кеңесін құру қажет. Мен, сондай-ақ, Жалпытүркі патент ұйымын құруды ұсынамын. Биыл Түркі инвестициялық қоры Басқарушылар кеңесінің ұлықтау рәсімі өтті. Оның қызметі экономика және қаржы-инвестиция саласын дамытуға оң әсер етеді деп сенемін, деді Президент.
Фото: Aqorda
