Ақпан айының соңында Иран, Ресей және Қытай Үнді мұхитының солтүстік бөлігінде сегізінші рет өтетін «Қауіпсіздік белдеуі» атты бірлескен әскери-теңіз жаттығуларын өткізеді, деп хабарлайды Malim.kz Tasnim агенттігіне сілтеме жасап.
Жаттығуларға Иран ӘТК-нің, Ислам революциясы сақшылар корпусының (ИРСК) ӘТК-нің, сондай-ақ Қытай мен Ресейдің әскери-теңіз күштерінің кемелері қатысады.
«Қауіпсіздік белдеуі» әскери-теңіз жаттығулары 2019 жылдан бері Иран ӘТК-нің бастамасымен өткізіліп келеді.
Агенттік мәліметінше, олар жаһандық теңіз саудасының қауіпсіздігін нығайтуға бағытталған. Үш елдің әскери-теңіз күштерінің бірлескен іс-қимылдарына қарақшылыққа қарсы күрес, теңіз терроризміне қарсы әрекет ету және құтқару операцияларын жүргізу кіреді.
Бұған дейін Иранның бірнеше қаласында жарылыс болған еді.
